عن المنصة

اوفلاير — أدوات البث بطريقتك

اوفلاير منصة سعودية لصنّاع المحتوى، تجمع لك أدوات البث في مكان واحد، عشان ترتّب بثك وتضبط شكله على ذوقك بكل سهولة.

كيف بدأت الفكرة؟

بدأت اوفلاير في يونيو 2024 من مشكلة واجهتنا: كل أداة للبث لها رابط وإعدادات، ومع كثرة التنبيهات والأهداف والترتيب، صار تجهيز البث ياخذ وقت وجهد.

وقلنا: ليش ما نجمع هالأدوات في رابط واحد، ونتحكّم فيها من مكان واحد؟

بدأنا مع TikTok لأنه من أكثر منصات البث اللي يستخدمها جمهورنا، ومن البداية كان هدفنا نتوسّع ونربط اوفلاير بمنصات ثانية.

مرّ المشروع بمراحل تطوير وتجارب كثيرة، وفي 2026 أعدنا بناءه بشكل شامل؛ من النظام وتجربة الاستخدام، إلى إدارة العناصر والتفاعل وتخصيص التصاميم، لين وصل لهويته الحالية باسم اوفلاير.

وفي 13 سبتمبر 2026 أطلقنا المنصة.

وش تقدّم لك اوفلاير؟

تجمع لك أدوات تساعدك تضبط بثك وتتفاعل مع جمهورك، مثل:

• التنبيهات والتفاعلات والمؤثرات.
• الأهداف وترتيب الجمهور والداعمين.
• أدوات الدردشة.
• النصوص والصور والفيديو.
• تخصيص تصاميم البث وإدارة المشاهد والعناصر.
• الربط مع منصات البث المختلفة.

الهدف إنك تقدر تبني بث يشبهك، ويعبّر عن أسلوبك، ويناسب جمهورك، وتدير أدواته من مكان واحد.

من البداية، للمستخدم العربي

دعم العربية عندنا أكبر من ترجمة القوائم. نهتم بطريقة عرض النصوص، وسهولة الاستخدام، والتفاعل اللي يناسب جمهورنا، خصوصًا صنّاع المحتوى في السعودية.

ومع نمو المشروع، نشتغل على استكمال الإجراءات اللازمة لتأسيس اوفلاير كمنشأة رسمية وموثّقة.

وين نبي نوصل؟

نطمح تكون اوفلاير من أبرز المنصات العربية لأدوات البث، وتنافس عالميًا بتجربة تفهم المستخدم العربي واحتياجاته.

وتركيزنا على ثلاث أشياء: سهولة الاستخدام، وحرية التخصيص، واستقرار الأداء.

نبيك تقضي وقت أقل في تجهيز الروابط والإعدادات وحل المشاكل، ووقت أكثر في محتواك والتفاعل مع جمهورك.

أطلقنا اوفلاير، والتطوير مستمر.

اوفلاير — أدوات البث بطريقتك.